देह पडू दे गळोनि... जावू दे मातीत मिळोनि...

 देह पडू दे गळोनि

जावू दे मातीत मिळोनि 

करा सुखासाठी अर्ज 

डोई उधारीचे कर्ज 

होई जन्म सारा खर्च 

मनी नित्य नवा स्वार्थ 

नाही नात्यालाही अर्थ 

जाई जन्म सारा व्यर्थ 

सारी विषयाची आस 

गळा वासनेचा फ़ास

होई जन्माचा ह्या ह्रास

देह पडू दे गळोनि

जावू दे मातीत मिळोनि

दोन दिवसाच जीवन तरी... रानफुल ती हसत होती...

रानातल्या त्या वाटेवर
स्वछंद झुलत होती
दोन दिवसाच जीवन तरी
रानफुल ती हसत होती

न कशाचच भय
न कशाची चिंता होती
प्रत्येकाच्या ओठांवर
हास्याची लकेर होती

आनंदाने जगण्याच रहस्य
उघड उघड सांगत होती
दोन दिवसाच जीवन तरी
रानफुल ती हसत होती